يقول الأوبريت :

آن الأوان يا أمم نشفي جراح القلوب
نحمي الناس م الخطر نوقف دمار الحروب
نبني مناحل عسل تكفي جميع البشر
نجري ورا حلمنا نطلع وراه القمر
د الحب لو يوم ينتصر ما في نفوس تنكسر
1
لما تقوم الحروب بنلاقي كل الناس وحوش
نلقى الدمار والخضوع وأجيال تموت والجيوش
والحزن يكسي الضلوع في الصدر قبل الوشوش
آن الأوان يا أمم نشفي جراح القلوب
...................................

2
يا هيئه لمّ الأمم ضاع الشباب م الشباب
والطفل من مولده شايف حياته سراب
والجوع بيقتل شعوب إمتى بقى تنهوا العذاب
آن الأوان يا أمم نشفي جراح القلوب
...................................

3
يلا بنا نصحي الضمير فينا الأمل راح يتولد
يلا بنا نرجع شريد ابن البلد ليه ينطرد
يلا بنا نحمي البرئ ونكون بحق له سند
آن الأوان يا أمم نشفي جراح القلوب
...................................

4
يعني السلام الهدف يعني المعاونة شرف
يعني الحقوق تتنصف يعني الحدود تتعرف
يعني المظالم تقف والعفو عما سلف
آن الأوان يا أمم نشفي جراح القلوب
...................................

5
في القدس في أرضها إحيوا السلام حلمنا
صلوا على طفلها اللي رحل من قبلنا
ردوا السلام بالسلام بدء السلام كان من هنا
آن الأوان يا أمم نشفي جراح القلوب
...................................

6

قدس الكليم ..قدس المسيح .. يا رب بارك أهلها

فيها صلاة كل الرسل .. والعذراء مريم بنتها

حب وسلام فوق أرضها .. يا أهل السلام نظره لها

آن الأوان يا أمم نشفي جراح القلوب
...................................

7

أهل الجوار دا الحب دين والدين سلاح ضد الغضب
يلا بنا نحلف يمين ننسى اللي فات من غير عتب
يلا ازرعوا لنا الأرض تين جنب الزتون جنب العنب

**********************

آن الأوان يا أمم نشفي جراح القلوب
نحمي الناس م الخطر نوقف دمار الحروب
نبني مناحل عسل تكفي جميع البشر
نجري ورا حلمنا .... نطلع وراه القمر
د الحب لو يوم ينتصر ما في نفوس تنكسر
<!--[if !supportLineBreakNewLine]-->
<!--[endif]-->

يلا يلا..... يلا يلا

نفرد دراعنا ل مداه

بالفعل مش بالكلام

نمسح دموع البكاه

نمحي بشمعه الظلام

يكمل بهاء الحياه

ويعم فيها السلام